مصر يا مطلعة عيني

مصر يا مطلعة عيني

مصر يا مطلعة عيني ....سيبيني أبوس إيدك
لو كنتي بتسألي فيني .... هاتي الزمن يحكيلك
من أول الفراعين وإنتي سامعاني بصرخ
بعلو الصوت
لو خدت بالك مني هتلاقيني بموت
مليان جراح وبئن ...دلوقت عايزه ازاي
ازاي ليكي أحن

مصر يامطلعة عيني ...شوفتي الي عايش فيه
شوفتي الوجع والهم ... والضنك عايش فيه
مش برضه أنا ولدك ... ولا لقيط لقيتيه

لو كنتي مش عايزاني ...قولي ماتنكسفيش
هاشوفلي مكان تاني ...لو خيرك مايكفيش
طول عمري عايش ليكي طب ليه كارهه اعيش

أنا كنت فاكرك أمي إنتي الجسد والروح
لو كنت يوم هتعاني مش هابكي عليكي وانوح
دمك مهواش دمي اصل النفاق مفضوح

أنا اصلي طفت بلاد .... كل البلاد كارهاني
سألت كل الناس ليه رافضة ومش عايزاني
قالوا عشان مصري والمصري مش إنسان
مواطن درجة تالتة والأصل فيه حيوان

كسرتي عيني يا بلدي وطيتي مناخيري
مش عزتي عزك ولا فيه عزيز غيري
مايعزك إلا أنا ..... ماهو كله من خيري

شلتك علي كتافي ... عبرت بيكي حدود
عشانك مشيت حافي وحاربت ياما اسود

يابلدي مفيش غيري الي هايرفع راسك
لارئيس ولا وزرا
لا جامعة ولا سفرا
ولا حتي حراسك

أنا المصري صاحب الأهرام
عالي الرأس ثابت الأقدام
عزتي شرفي كرامتي عنوان
أنا المصري لا أهان

__________________

------------------------------------
ليس لديك خيار
عليك أن تحبني أو تقتلني .... فهذه حياتي وهذا قرارك
-----------------------------------
أنا المصري صاحب الأهرام
عالي الرأس ثابت الأقدام
عزتي شرفي كرامتي عنوان
أنا المصري لا أهان

--------------------------------------------------------------------------------